【支持紅斑狼瘡症患者 一起與蝶共舞！】
大家見到我把遮係咪好靚呢？睇真啲，其實我係支持緊由香港風濕病基金會主辦嘅「與蝶共舞 樂對紅斑狼瘡」活動！紅斑狼瘡症又稱「美人病」，皆因有九成嘅患者都係好似我咁年輕貌美嘅女生，佢哋如果曬太陽的話，面上仲會誘發出蝴蝶型紅斑。
唔好以為「美人病」個名咁好聽就無乜事，紅斑狼瘡症嘅病情可大可小，嚴重嘅話可以係致命嘅免疫系統疾病，不幸患上的話，系統性紅斑狼瘡會攻擊身體唔同嘅器官，好似皮膚、腎臟、腦部、肺部、心臟及關節等等...
大家又唔駛咁灰嘅，紅斑狼瘡症係有方法解決嘅，只要透過定期檢查監測、及早介入，加上有效治療，幫患者儘早控制病情，並預防病情再活躍，以求達致長遠減低器官損壞嘅風險。所以我希望藉著呢個活動，提升大家對紅斑狼瘡症嘅關注。假如你身邊朋友有呢個病的話，要儘快勸佢哋見醫生，尋求專業意見。
唯有定期監測並且及早介入治療，紅斑狼瘡症患者是可以令生活重回正軌，毋懼風雨，享受晴天！
#與蝶共舞 #紅斑狼瘡症 #美人病 #蝴蝶斑 #及早介入有效治療 #樂對紅斑狼瘡 香港風濕病基金會 樂晞會
Search